Poetry: Saghar Siddique: La ik kham sharab k mosam kharab h

laa ek khum e sharab keh mausam kharab hai by saghar siddiqui ‎لا اک خم شراب کہ موسم خراب ہے از ساغر صدیقی

لا اک خم شراب کہ موسم خراب ہے

کر کوئی انقلاب کہ موسم خراب ہے

زلفوں کو بے خودی کی ردا میں لپیٹ دے

ساقی پئے شباب کہ موسم خراب ہے

جام و سبو کے ہوش ٹھکانے نہیں رہے

مطرب اٹھا رباب کہ موسم خراب ہے

غنچوں کو اعتبار طلوع چمن نہیں

رخ سے الٹ نقاب کہ موسم خراب ہے

اے جاں ! کوئی تبسم رنگیں کی واردات

پھیکا ہے ماہتاب کہ موسم خراب ہے

ساغر صدیقی